Ny i Norge inneheld informasjon om rettar og plikter ved arbeid og opphald i Noreg, samt dei generelle ordningane knytt til born, skule og helse. Boka gir også praktiske råd og tips for korleis meistra ein ny kvardag. Ny i Norge er laga for arbeidsinnvandrarar og deira familiemedlemmar, men informasjonen kan også være nyttig for fleire. Utanlandske ektefeller, arbeidsgivarar med utanlandske tilsette og alle som har kontakt med innvandrarar, vil finna relevant informasjon her.
Ny i Norge er delt inn i følgjande sju kapittel:
• Opphald
• Arbeid
• Born og skule
• Helse
• Fritid
• Nyttig informasjon
• Offentlege etatar
Kvart kapittel har fleire tema slik at ein lett kan finna ynskja informasjon.
Informasjonen er presentert i form av korte fakta, illustrasjonar og nokon “bruksrettleiingar” med bilete kalla “1-2-3”. Under kvart tema er det oppgitt internettadresse eller telefonnummer kor interesserte kan finna meir detaljert informasjon.
Viktige fristar og datoar for til dømes sjølvmelding, årsavgift på bil etc., finnes i ein kalender på slutten av boka.
Vert gitt ut på tre språk
Ny i Norge vert gitt ut på tre språk: norsk, engelsk og polsk. Boka vil i løpet av januar også være tilgjengeleg på alle tre språk på websida www.nyinorge.no. Nå er alle tre versjonene tilgjengelig i pdf- versjon på www.nyinorge.no.
Gratis å bestille
Ny i Norge skal delast ut gratis til brukarar, og kan bestillast kostnadsfritt på bestilling@imdi.no.
PS! Grunnet oppdatering av boken, skal det ikke sendes ut noen Ny i Norge før de nye korrigerte versjonene foreligger på nyåret. IMDi samler derfor opp bestillinger og sender de nye bøkene ut når oppdatert versjon foreligger.
Ynskjer å fremme og styrkja tilpassing og deltaking
Boka er eit resultat av St. meld. nr. 18 Arbeidsinnvandring (2007-2008), der regjeringa slår fast at dei ynskjer å fremme og styrkja arbeidsinnvandrarar og deira familiemedlemmar si tilpassing til arbeidslivet og deltaking i samfunnet.
Eit av dei viktigaste tiltaka for å letta integreringa til denne gruppa i norsk arbeids- og samfunnsliv er å gi systematisk informasjon om rettar og plikter ved arbeid og opphald og dei generelle ordningane knytt til born, skule og helse, heiter det i meldinga.
Flere offentlege aktører har medverka
16 etatar og offentlege aktørar har medverka med informasjon i boka, og Ny i Norge tydeleggjer ansvarsområdet til etatane som personar som er nye i Noreg har kontakt med.
Følgjande aktørar har medverka med informasjon: Arbeids- og velferdsdirektoratet, Barne-, ungdoms- og familiedirektoratet, Direktoratet for arbeidstilsynet, Direktoratet for naturforvaltning, Fellesforbundet, Forbrukerrådet, KS, Helsedirektoratet, Husbanken, Politidirektoratet, Skattedirektoratet, Statens vegvesen, Toll- og avgiftsdirektoratet, Utdanningsdirektoratet, Utlendingsdirektoratet og Integrerings- og mangfoldsdirektoratet (IMDi).
