Automatisk utbetalte tilskudd:

Opplæring i norsk for voksne personer med kollektiv beskyttelse

Søknadsfrist

Løpende frist

Sist oppdatert: 18. desember 2025

Kort om tilskotet

Tilskotsordninga består av to typar tilskot, persontilskot § 37 d og grunntilskot.
Persontilskotet blir automatisk utbetalt til kommunar og fylkeskommunar for vaksne personar med kollektiv beskyttelse som har rett til opplæring i norsk.
Grunntilskotet blir automatisk utbetalt til små og mellomstore kommunar og skal betre dei økonomiske rammevilkåra for opplæring i norsk og samfunnskunnskap.

Personar mellom 18 og 67 år som har fått opphaldsløyve etter utlendingslova § 34, har rett, men ikkje plikt, til å delta i opplæring i norsk, jf. integreringslova § 37 d.
Målet med persontilskotet § 37 d og tilskot til utvida norskopplæring er at kommunane og fylkeskommunane kan tilby opplæring i norsk til fordrivne frå Ukraina som ønskjer ei slik opplæring, etter integreringslova kapittel 6A. Tilskotet skal også gå til å gjennomføre prøver i norsk etter integreringslova § 37 d.
Grunntilskotet er eit årleg tilskot og skal betre dei økonomiske rammevilkåra for små og mellomstore kommunar når det gjeld opplæring i norsk.

Felles for persontilskotet og grunntilskotet

Den folkeregistrerte adressa (DSF) til den enkelte personen bestemmer kva som er bustadkommunen og tilskotsmottakar.

Persontilskot § 37 d

Ein person kan utløyse persontilskot i maksimalt eit år.
Dersom ein person flyttar mellom kommunar, blir tilskotet delt mellom til- og fråflyttingskommunen, basert på butida i den enkelte kommunen. Sjå rundskriv for detaljar.
Dersom ein person deltar i vidaregåande opplæring på fulltid, blir tilskotet for perioden utbetalt til fylkeskommunen.

Grunntilskotet

Grunntilskot blir utbetalte til kommunar som har 1 til 150 personar i berekningsgrunnlaget for tilskotet per 15. januar.
Personar med kollektiv beskyttelse er med i berekningsgrunnlaget for grunntilskotet i eit år.
Det er ikkje krav om at eit vedtak må vere registrert, for å få utbetalt grunntilskotet, slik det er for persontilskotet.

Vedtak må registrerast i Nasjonalt introduksjonsregister (NIR) for at kommunen skal få utbetalt persontilskot for kategorien «Rett til norsk».
Registrering må gjerast for alle personar, også for dei som flyttar til kommunen, og som kan ha fått opplæring i ein annan kommune tidlegare.
Persontilskotet blir utbetalt tidlegast inneværande kvartal etter at vedtaket er registrert av kommunen. Tilskotet blir utbetalt automatisk for heile den perioden personen bur i kommunen, uavhengig av når vedtaket blei registrert.

Persontilskot § 37 d blir utbetalt automatisk til fylkeskommunen basert på registrering i NIR.
Vedtak må registrerast av kommunen i NIR for at fylkeskommunen skal få utbetalt deler av persontilskotet.
Dersom ein person deltar i vidaregåande opplæring på fulltid, blir tilskotet for perioden utbetalt til fylkeskommunen.
Persontilskotet blir utbetalt tidlegast inneværande kvartal etter at vedtaket er registrert av kommunen.