Tilskot til opplæring i norsk og samfunnskunnskap for asylsøkarar i mottak

Sist oppdatert: 19. april 2021

Kort om tilskotet

Tilskotsordninga består av to typar tilskot: asylnorsk og samfunnskunnskap (kulturtilskot).
Tilskota blir automatisk utbetalte til kommunar for asylsøkarar i mottak som er i målgruppa for plikt til opplæring i norsk og opplæring i samfunnskunnskap (norsk kultur og norske verdiar).

Tilskota skal bidra til at vertskommunar for mottak gjennomfører opplæring i norsk og norsk kultur og norske verdiar for asylsøkarar i mottak, slik at asylsøkarar raskt får kjennskap til norsk språk, kultur og samfunnsliv.
Målet med tilskotsordninga er at asylsøkarar kan oppfylle sin plikt til å delta i 175 timar opplæring i norsk og 50 timar opplæring i norsk kultur og norske verdiar i mottak

eller

Målet med tilskotsordninga er at asylsøkarar kan oppfylle sin plikt til å delta i inntil 175 timar opplæring i norsk og 25 timar opplæring i samfunnskunnskap

Asylsøkarar som bur i mottak, og som er over 18 år, har plikt til å delta i opplæring i norsk og samfunnskunnskap. Plikta gjeld ikkje dersom asylsøkaren
- får søknaden sin behandla etter hurtigprosedyrar i Utlendingsdirektoratet
- blir nekta å få asylsøknaden realitetsbehandla etter utlendingslova § 32
- bur på ankomstsenter eller i transittmottak
- har fått avslag frå Utlendingsdirektoratet på søknad om vern

Tilskota er ein fast sats og blir utbetalte til vertskommunen der asylsøkarane bur i mottaka.
Personar kan berre utløyse tilskota éin gong.
Dersom ein person flyttar mellom kommunar, blir tilskota delte likt mellom til- og fråflyttingskommunen. Denne delinga skjer berre éin gong.

Tilskota blir utbetalte automatisk. Det skjer tidlegast i kvartalet etter at personar i målgruppa er registrerte inn i ordinært mottak.

Tilskot	Sats i kroner
Asylnorsk	14 700
Norsk kultur og norske verdiar Samfunnskunnskap	4 000 2 000

Tilskot

Sats i kroner

Asylnorsk

14 700

Norsk kultur og norske verdiar

Samfunnskunnskap

4 000

2 000